يا ريتني أد ضفرها - منتديات المرايا الثقافية
   

آخر المشاركات          :: ((كلام، على كلام))!!! (آخر رد :فضيلة زياية ( الخنساء))       :: ((زمان "جدي"، وزماننا))!!! (آخر رد :فضيلة زياية ( الخنساء))       :: ((لا تثق بهذا النوع))!!! (آخر رد :فضيلة زياية ( الخنساء))       :: يا ريتني أد ضفرها (آخر رد :فاطمة منزلجي)       :: ((الحيل الدّفاعيّة عند "سيغموند فرويد"))!!!/النّكوص. (آخر رد :فضيلة زياية ( الخنساء))       :: ((الحيل الدّفاعيّة عند "سيغموند فرويد"))/الكبت. (آخر رد :فضيلة زياية ( الخنساء))       :: ((انتبهي! مفتاح بالباب))!!! (آخر رد :فضيلة زياية ( الخنساء))       :: ((الحيل الدفاعية عند "سيغموند فرويد"))!!!/-الإسقاط- (آخر رد :فضيلة زياية ( الخنساء))       :: ((الحيل الدفاعية عند "سيغموند فرويد"))!!!/الإسقاط. (آخر رد :فضيلة زياية ( الخنساء))       :: ((الحيل الدّفاعيّة عند "سيغموند فرويد"))!!! (آخر رد :فضيلة زياية ( الخنساء))      
العودة   منتديات المرايا الثقافية > مَرَايَا أَدَبِيَّة > ذَاكِرَةٌ بِلا صَهِيل

إضافة رد
 
أدوات الموضوع انواع عرض الموضوع
قديم 09-28-2021, 10:22 PM   #1
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


يا ريتني أد ضفرها

ياريتني أد ضفرها!!!
وضفيرتها مجعدة بعجينة طيبتها..حلاوتها..آلامها..وهمومها،وفرحها،وحزنها،وصب رها.
بجد ؟!!!
كل ماكان يومي حائط من صد ،ورد من الهموم بتذكرها!!!
وبقول بسري:"كيف تحملت يا الله"!!!
يحمل من حمل هالقلب اللي حاملتوا،ومن الحمل هدها!!!
ولليوم بتصد،وبترد،وبتقول ،وبتعد من غير حكي بالتلاوة،والأذكار،والتعاويذ،والآيات،والسور القصار..
"الحياة صعبة ،وأنا قدها"!
يحمل من حملها ،ياريتني أد ضفرها.
ويكفي هالضفيرة اللي متل الشمس بخيوطها..بشروقها،وغروبها،وسطوعها لما تلمنا الأحزان ،والأفراح،هي بالصبر صبرة،وقمرة،وقمرة الزمان،والمكان،وماحدا بالكون متل قدها.
أمي الشمس ،والقمر،والليل ،والنهار،والسهر،والغيوم،والسما بالنجوم،اللي بتهطل طل،ولما تغرب،وتشرق الفصول هيي فصل الحر،وبالصيف كيف،وبالشتي موائد دفء الضيف من كل الثمار، وثمار الشتي....
هي جنة،وقطعة من السما ،وأحلى لما ترسم فرح،والشمس تضحك بقوس قزح..
والأرض تزغرد بالزهر،والزقزقة بقول:"هاي أمي"!!!
أمي الطيبة،والطيب!
بالسما الكواكب ،والنجوم،والعطور،والزهور،والشموس،والأقمار،والسهول، والجبال،والوديان،والنجوم،والبحور،والبحار،هي ...
كل هديل،وكل هدول لما تحمل همومها تمشي مشية غزال،ونشرب من كفوف ايديها الحنان،وبإيدها القرآن تتلو "سورة الرحمن"لأن أبي بحبها.
هاي أمي اللي وقت ودعت أبي،ومر آخر مرور من جنبها....؟!
صرخت،وضربت إيد على إيد،واللي جنبي قالت:"لا تصرخي بس مشان أمك".
أمي كانت بالجلد،والصبر،والتقوى،والإيمان محدي قدها!.
هاي أمي لما تجلدني الريح،والدني اللي كلها تجاريح،بوقف متل أمي،وبقول:"إنا لله وإنا إليه راجعون"
عظم الله أجري بمصيبتي.
أمي لما تغضب تقول:"روح الله يسعد،ويبعد"!
ولما تحزن :"الله يبعتلك ولد متلك،لا أزود،ولا أنقص،وتضحك"!
أمي لما تروق ترجع تقرا،وتقول:"الله يبعتلكم الحناين،بكل طريق صديق،وكل مكان رفيق ممن يرضى عنهم ربي،ويبعد عنكم ولاد الحرام"!.
أمي كانت تطير للفرح طيران تزغرد تهنهن،وترجع للحزن تعويذة ،وتلاوة،ودعوة،وأخذ بخاطر الحزنان.
أمي تلملم الحزن بالفرح،وتلم،وتجعلوا بسابع سما من الدعوات....
اللي :"اذكري أمك بدعوة"!!!
قلت بسري:"يارب"!
هيي تتذكرني بدعوة اللي مغلفة برحمة،ومعلقة بسابع سما رقية،وتقية،وتعويذة،وألف نجمة بنجمة!
بين أيادي الحق ،وبإيدها أسوارة من دعا،وذكر،وصلاة،والصلاة على النبي
اللهم صل على سيدنا محمدا ،وآله وصحبه وسلم
أمي هيي وعلى سرير المرض
"بالأرض جنة،وبالسما نجمة"!.
فاطمة منزلجي غير متصل   رد مع اقتباس مشاركة محذوفة
قديم 09-30-2021, 07:38 AM   #2
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


أمي لوح من الصبر
كتب عليه الصبر
وكانت خاتمة ورقتها"ظلمني الدهر"
صارت أمي منارة لكل الأمهات
كي يصبرن،ويتوكلن على الله ،ويسلمن بحسبنا الله ونعم الوكيل،،ولله الأمر.
فاطمة منزلجي غير متصل   رد مع اقتباس مشاركة محذوفة
قديم 09-30-2021, 07:51 AM   #3
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


أمي لما تبكي كانت تفرح..
ولما تحزن،كانت تخلي الحزن..
ورا ضهرها،وتمشي..
و عرفت ليش؟!!!
أمي عاشت،وماتت من الشقا،بحياتها،وتصبر..!!!!
وليش أمي متل المي بعروقنا تجري.
فاطمة منزلجي غير متصل   رد مع اقتباس مشاركة محذوفة
قديم 09-30-2021, 07:56 AM   #4
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


أمي عصفورة بيناتنا
وكانت بالحدث تلم العصافير...
بقطعة خبز،وكانت كل العصافير من الشجر تحط على النافذة..
وتعدي بالوقت..
وكل يوم تجري..
أمي عصفورة سكتت بسكتة!!!
وأنا على فراقها صعبة دمعتي..
وصعبة كلمتي..
يالله!
بعد أمي مافي حدا والله،بعروقي يجري.
فاطمة منزلجي غير متصل   رد مع اقتباس مشاركة محذوفة
قديم 10-11-2021, 10:40 PM   #5
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


أمي يابعد النظر
وعمق البصر ،والبصيرة والسحر
يالمسة الحنان ،والتحنان،وشموخ الوقار
يا نصيحة السحاب،وقت المطر
أمي ياكنوز البحر،والبحار
يا صدفة ومرجانة وياقوتة ولؤلؤة ماتحار في اعصار
يا أم الشموع ،والدموع،والليال ،والسهر
ياجيوب العمر الملآنة بالشقاء ،والحزن،والفرح
أمي ياصبارة ونارة وشمعة تذوب بليل ،ونهار...
يالمطوية والمنسية وأنت الزمن،والمكان،والبركان،والسر ،والذهب،وسبحان من وهب ،وصور وجمع كل الصور بصور ة"الحنونة والحنية".
فاطمة منزلجي غير متصل   رد مع اقتباس مشاركة محذوفة
قديم 10-12-2021, 07:08 AM   #6
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


كتبت الكثير الكثير لأمي وانمحى!!!
يمكن لأن أمي هي مبراة للحزن
والأسطر التي بعمرنا ،والعمر ،وبعمرنا كله...
مابتنمحى!
فاطمة منزلجي غير متصل   رد مع اقتباس مشاركة محذوفة
قديم 10-12-2021, 07:20 AM   #7
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


قوية وصعبة كتير يادنيا...
وصخرة ،وعنيدة!!!!
بسأل حالي كيف،وكيف أمي كانت صابرة...
متل شجرة سنديان..
وشجرة كل ماهزها الريح..
تميل مع الريح...
وللشجر..
والفرح..
والشجن تمسك بدفة الأيام..
وبدفتر الحكم والأمثال والأشعار

تقعد بجنينة الدار تسقي الزرع
والورد ،تناجي ،وتهدي برش المي،والعطر،ومن عطر ثغرها الحلو..
اشرب،وتغنيلي.
فاطمة منزلجي غير متصل   رد مع اقتباس مشاركة محذوفة
قديم 10-12-2021, 07:43 AM   #8
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


أمي لما حزنت فرحت!
ولما فرحت ضحكت!
ولما مرضت صبرت!
ولما الصبر نفذ؟!
راحت بصمت..
تعلم الصمت الكلام..
وراح الكلام بغيبوبة..
وبقيت للعالم حضن..
من ايدها يحط اليمام بإشارة..
وسريرها الأبيض..
شعلة أمل متقدة..
وبالبياض متل قطعة شاش..
ومتل القمر،والشمس..
من خيوطها،خيوط الأمل...
بكل زهر الكون..
تتكور قمر..
ومن وهج شمسها..
الكون أم..
يصبرني..
وحس بحسها..
و بصمتها تدعيلي.
فاطمة منزلجي غير متصل   رد مع اقتباس مشاركة محذوفة
قديم 10-12-2021, 07:54 AM   #9
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


أمي ..
بتتعلق على العنق ماسة
وبينباس راسا
وبينباس مداسا
أمي ..
الهموم طحنت راسا
وضلت أقدامها ثابتة تمشي،وتصبر،وتكد،وتتعب..
لصارت الجنة من تحت أقدامها..
وكل الدني تحب على راسها.
فاطمة منزلجي غير متصل   رد مع اقتباس مشاركة محذوفة
قديم 10-12-2021, 08:04 AM   #10
معلومات العضو
فاطمة منزلجي
مٌشْرفة مَرَايَا الْقَصِّ

إحصائية العضو





من مواضيعي
 
0 يا ريتني أد ضفرها
0 2020
0 2020
0 بصمت!
0 يا وطني

فاطمة منزلجي غير متصل


يالله!
ببكي..
ودمعي بالمقل حجر..
بعدك يا أمي مين يمسح دمعتي..
ومين لما الحزن يكويني..
يصبرني..
وينسيني!.
فاطمة منزلجي غير متصل   رد مع اقتباس مشاركة محذوفة
إضافة رد

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:14 AM.